المهم..كنت عايزة نشوف اخطاءنا كشعب من الأول خالص *ملاحظة: انا في البلوج دي بتكلم عن أخطاء الشعب مش أخطاء الحكومة و العسكر*
أولا:أيام مبارك و ما قبل مبارك *الحياة العسكرية التي استمرت ٦٠ سنة* طبعا ساعتها الشعب كان بيحاول يقلد الغرب بأي طريقة بس للاسف لما الغرب ركزوا في محاولتهم لفرض السيطرة علي الوطن العربي ساعدونا في تقليدهم بس في الحاجات الغلط و حاولوا يدخلوا علي الوطن العربي مصطلحات زي "الديمقراطية، العلمانية، الإرهاب و حاجات تانية كتيير" فا نسينا طبعا حقوقنا كأفراد في ظل الانشغال بتفاهات الغرب و في ظل فترة القمع بتاعت عبد الناصر...زاد بقي التفتح علي الغرب بقي في عهد السادات و شوفنا الشارليستون و الشعر الكنيش و المحزق و الملزق....بعد الشعب عن الدين علي الآخر و بدأت مراحل الاستحمار الشعبي بجميع صوره...مش لازم اتكلم كتير عن فترة مبارك عشان الحمد لله أن ثورة يناير وعت الشعب شويه أن كان فيه ظلم في عهده
ندخل في الأخطاء التانية: فترة الثورة: طبعا ساعتها كنا كلنا فرحانين أن الثورة كانت لامة كل طوائف الشعب و الجو دا بس تيجي تتكلم مع حد يقولك لا انا أكيد مش هتكلم مع العلماني دا دا اصلا غبي و ملوش في السياسة أو لا انا أكيد مش هتكلم مع الإسلامي دا دا كل حياته دين ايش فهمه في السياسة...مشكلتنا أننا كنا بنسلم ودانا للي بيوقع بينا كشعب و طبعا طبع الغرب كان مأثر فينا بقاله كتيير فا كنا بدل ما نتحد و نشوف حلول لأ أزاي لازم نشتم في دا و دول و نبين أن إحنا الأصلح 'كل التيارات كانت بتعمل الموضوع دا' حتي بعد الثورة بدل ما نعمل حزب ثوري قوي قسمنا نفسنا لأحزاب و أءتلافات كتييييرة اوي...دحنا حتي متفقناش علي قائد أو رئيس يحكمنا كنا قال إيه عايزين كل واحد يعيش حُر...فاهمين الحرية غلط معلش أصلنا كنا سنة أولي حرية علي رأي التلفزيون المصري :)))
ثالثا:بعد الانتخابات: بدل ما نلم نفسنا و نعمل حزب قوي يراقب الرئاسة يشوف لو فيها عيوب و يساعدها لو بيعملوا حاجه صح لأ أزاي لازم نسلم ودننا لنفس البق اللي مصلحته أننا نفضل متقسمين اتشغلنا بالأعلام المصري اللي اكل دماغنا و ساب الإنجازات و مسك في السلبيات بتاعة الإخوان و بدأ يكرهك فيهم اكتر مانت كارههم لأسباب أصلا ملهاش أي تلاتين لازمه...انا مقدرش انكر أن كان فيه حركات ثورية بتشتغل في عهد مرسي بدليل "مرسي ميتر" اللي اتعمل عشان الميه يوم بعد الرئاسة 'طبعا دا كان فقط كلام الحملة الانتخابية بتاعته و ولا شوفنا حاجه في الميه يوم بس دا المفهوم الديمقراطي العلماني الفهمتهولنا ماما أمريكا' المهم ان حتي لو كان فيه حركات فيها كانت تأثيرها ضعيف جداً عشان مش كل التيارات كانت مشاركة فيه...
انا اختصرت كلامي اوي في البلوج دي بما أنها اول مرة و كده بس انا عايزة اوريكوا مساوئ أخطائنا إحنا اللي بنسكت علي الأخطاء و بنسلم ودنا للتفاهات و للاسف بقينا بنفكر في مصالحنا اكتر من مصالح الناس اللي إحنا عمالنالهم الثورة أصلا ناسيين "عيش حرية عدالة اجتماعية؟" دلوقتي كل التيارات لما بتنزل بتنزل للسياسة فقط و مش في بالهم أصلا ان فيه فئات في المجتمع ممكن تكون دلوقتي بدأت تسكن البلاعات...عايزة بجد نغير مسارنا نفسي نتكاتف و نفكر في أهداف الثورة من ثاني نفسي ننسي خلافاتنا و نحاول نصد الكلام التافه اللي بيوقعنا في بعض نفسي *الشعب يسقط النظام*
No comments:
Post a Comment